Contrato de mantemento continuado dos colexios municipais: a través dunha licitación pública dar un servizo rápido e regrado as necesidades inmediatas dos centros educativos municipais.
Revitalización do Consello Escolar Municipal, posto en marcha no mandato 2015-2019.
Programa de Actividades Extraescolares Municipais colaborando coas ANPAS que non poden afrontar por custes elevados (Robótica, Impresión 3D, edición de video, xadrez etc)
Esixir á Consellería de Educación un convenio de xestión e financiamento compartido do Conservatorio Municipal que poña como prioridade a sostibilidade económica deste importante servizo público, permitindo ademais a rebaixa dos prezos das matrículas. O Concello de Lalín manterá e mellorará a dotación de persoal.
Colaboración coa Consellería de Educación para facilitar e fomentar a matriculación voluntaria de alumnado de infantil e primaria do casco urbano de Lalín nos 3 colexios do rural para desconxestionar os situados na vila.
Solicitar más ciclos de Formación Profesional, entre eles un de Enerxías Renovables e Instalacións Sostibles que vai ser un dos nichos do emprego dos vindeiros anos. Reclamar á Xunta de Galicia a posta en marcha en Lalín dos Ciclos de FP bilingües aproveitando os fondos que o Estado acaba de aprobar para as CCAA.
Ampliación de horarios de biblioteca para que se axusten máis ás necesdiades das persoas estudantes.
Creación dun espazo aberto que se poña á disposición da veciñanza e que poida ser solicitado mediante app dixital para quedadas de traballos grupais/reunións, con previa reserva.
Feira de Educación coas universidades e Centros de Formación Profesional para que os mozos e mozas poidan ser informados sobre a oferta educativa da que dispoñen.
Incrementar en número e importe as becas de transporte que actualmente se quedan curtas.
Continuar coas melloras nos diferentes centros educativos, dando prioridade ás que máis demandan dende as propias ANPAS ou directivas dos centros.
Fomento nos comedores escolares de menús saudables confeccionados con produtos locais de baixa pegada de carbono.
