Emprego e Sectores Produtivos

• Introducción e Desenvolvemento da Compra Pública Innovadora na Contratación Pública Municipal para favorecer que as empresas locais poidan ser máis competitivas e se modernicen.

• Colaboración co Grupo Socialista Europeo para a obtención de Fondos e axudas comunitarias para as empresas locais.

• Manter a aposta pola promoción fora de Lalín dos produtos agroindustriais da nosa vila a través dos nosos produtores e das asociacións artesanais.

• Reforzo de Feiradeza para convertela na mostra de gando leiteiro máis importante do noroeste peninsular e como evento clave para a posta en común de estratexias e accións para a mellora xenética e das producións lácteas.

• Esixir á Xunta de Galicia construción e remate da cuarta Fase do Polígono Lalín 2000 ante a falta de solo industrial. Esixir á Xunta de Galicia a ubicación de proxectos tractores industriais dos Fondos de Recuperación no noso Concello.