Recuperar a democracia do rural, restaurando o proceso de renovación dos pedáneos e pedáneas das parroquias mediante a súa elección pola veciñanza. Renovación antes da finalización do 2023.
Esixirlle a Xunta de Galicia a aceleración e remate das concentracións parcelarias en marcha, fundamentalmente as máis antigas coma Losón ou Vilatuxe.
Posta en marcha e contratación dun servizo/contrato integral regrado de mantemento de desbroces, cunetas e bacheo. A creación deste servizo permanente será unha solución a gran parte das demandas básicas que se realizan dende as parroquias e permitirá alongar a vida das infraestruturas. Ademais manter as aldeas en bo estado é un xeito de potenciar o acceso ao rural e mellorar aspectos relacionados coa súa economía e co problema do despoboamento.
Plan Integral de Saneamento Rural e Programa de Mellora Integral da Rede de Abastecementos para todos os núcleos rurais.
Extensión das redes wifi públicas ao rural. Nunha primeira etapa farase cos centros sociais máis utilizados.
Plan anual de asfaltados municipais: definir no último trimestre de cada ano as prioridades de reasfaltados de pistas municipais para garantir a súa execución na primaveira-verán seguinte.
Creación dunha liña de subvencións para as comunidades veciñais de auga con dous obxectivos e liñas de actuación: a regularización das traídas e a mellora da infratestrutura desas redes da que consumen auga centos de lalinenses.
Incentivar a rehabilitación de vivendas rurais mediante a redución de impostos e microcréditos reembolsables para a redación dos proxectos de execución e para os traballos para facer vivendas accesibles á veciñanza con mobilidade reducida ou necesidades especiais.
Mellorar e cambiar a sinalización das parroquias e lugares, que en moitos teñen nomes erróneos ou xa carecen de sinais.
Todas as aldeas disporán a menos de 250 m dun punto de auga ou depósito sinalizado para a súa utilización en caso de incendios.
Recuperación do galardón “Aldea Singular” que fomente os valores de conservación e promoción do noso medio rural.
