No primeiro día de mandato: peonalización das rúas Joaquín Loriga e Principal. Peche aos coches da Rúa Rosalía de Castro nas fins de semana e festivos.
Levar a cabo o proxecto de remodelación e reurbanización da rúa X, toda a contorna da Praza da Igrexa e segunda fase da reforma da Praza da Vila. Rexeitamos o proxecto de derrubar as construcións existentes na Praza da Igrexa. Mercaranse os terreos necesarios aos/as propietarios/as para o proxecto.
Finalización do Cinto Verde. Este proxecto, que comezou co anterior Goberno, complementou o gran pulmón do Paseo do Pontiñas e permitiu crear novos percorridos. Apostamos por pechar o círculo con novos treitos que pasan por Donramiro ata o Alto de Vales, onde se sitúa o CIS. A Avenida do Monserrat dotarase de carril bici e mellorarase a cuberta verde. Na zona da Carballeira do Monserrat farase un espazo de calmado de tráfico. Manteranse as prazas de aparcamento nas zonas urbanizadas.
Farase un maior coidado do Paseo do Pontiñas, que continuamente presenta deficiencias. Dragado ecolóxico do lago de Bergazos para evitar a súa defnitiva colmatación.
Recuperación e reforma completa da área histórica de Donramiro, incluído o castro. Esta actuación xa foi deseñada hai catro anos cos Fondos DUSI Lalín SSUMA 21, pero na actualidade o PP perdeu máis da metade da subvención europea para executalo polo que só se levará a cabo unha mínima parte. Faremos o proxecto completo como estaba previsto.
Revisión completa do PXOM. Adaptación dos núcleos rurais á realidade da poboación que vive neles, delimitando dun xeito actualizado as zonas rústicas e as zonas urbanas. Revisión das Areas de Reparto non iniciadas e das dimensións dos Sistemas Xerais. Tras máis de 25 anos, o principal documento urbanístico ten que ser revisado para adaptalo a unha realidade moi diferente a dos anos 90 do pasado século.
Todas as novas obras nas rúas e novos edificios faranse baixo os criterios de urbanismo sostible e tendo en conta os criterios da Nova Bauhaus Europea, necesarios para acadar mellor financiamento da UE.
Progresiva humanización de rúas. As seguintes rúas serán melloradas neste mandato: Ramón Aller, que precisa un ancheado e continuidade de beirarrúas; Pintor Laxeirona zona do Manuel Rivero, que presenta unhas beirarrúas estreitas e falta de accesibilidade, e a rúa Vidal Abascal por beirarrúas estreitas e falta de accesibilidade. Todas as humanizacións de rúas contarán cun proxecto de cuberta verde con árbores e prantas. O sucedido coas reformas das rúas Monte Faro e Maruja Gutiérrez son un exemplo da nula sensibilidade ambiental e de adaptación ao cambio climático. Esas rúas tamén terán os seus elementos verdes.
Dedicar as vivendas daSareb no noso Concello a aluguer asequible para xente nova mediante unha bolsa de alugueiro con convocatorias públicas abertas.
Poñer a disposición de aluguer social as vivendas municipais da Rúa Manuel Rivero, xa reformadas co Lalín Ssuma 21.
Revisión da catalogación dos elementos patrimoniais arqueolóxicos para determinar con exactitude a súa localización e o seu ámbito de protección.
Incorporación da participación cidadá para o deseño do espazo público mediante consultas regradas.
